Macarıstanın Baş naziri Viktor Orban bildirib ki, ölkəsi Avropa İttifaqının Rusiyadan neft və qaz idxalına qoyduğu qadağanı aradan qaldırmağın yollarını axtarır.

“İki sahil” xəbər verir ki, o, bu barədə "Kossuth Radiosu"na bildirib.

"Biz hələ də mübarizə aparırıq. Beləliklə, bu mübarizə hələ də uduzulmayıb. Ciddi manevrlərə ehtiyac var", - deyə, o, qeyd edib.

O qeyd edib ki, ölkənin maraqlarını müdafiə etmək üçün liderlik keyfiyyətlərinə ehtiyacı var: "Biz təzyiq altındayıq".

Onun sözlərinə görə, Rusiyanın enerji ehtiyatlarına qoyulan qadağa adi macarlar üçün enerji qiymətlərinin daha yüksək olmasına səbəb olacaq:  "Həqiqətən də bəzi Rusiya neft şirkətlərinə qarşı sanksiyalar var. Bu sanksiyalardan necə yayınmaq üzərində işləyirik".