2025-ci ildə Azərbaycanın qiymətli kağızlar bazarında 64 milyard 448,4 milyon manatlıq əməliyyat aparılıb.

“İki sahil” Azərbaycan Mərkəzi Bankına istinadən xəbər verir ki, bu, 2024-cü ilə nisbətən 11,1 faiz azdır.

İllik göstəricinin 8 milyard 36,9 milyon manatlıq hissəsi ilkin bazarda (7,1 faiz az), 56 milyard 411,5 milyon manatlıq hissəsi isə təkrar bazarda (11,6 faiz az) formalaşıb.

Hesabat dövründə qiymətli kağızlar bazarında 30 916 əqd bağlanılıb. Bu, illik müqayisədə 57,2 faiz azdır. Əqdlərin 4 323-ü ilkin bazarın (91,65 faiz az), 26 593-ü isə təkrar bazarın (29,7 faiz çox) payına düşüb.