Fransa Prezidenti Emmanuel Makron Avropanın enerji asılılığının Rusiyadan ABŞ-a keçdiyini və Birləşmiş Ştatların Avropa İttifaqının əsas maye qaz təchizatçısına çevrildiyini etiraf edib.

“İki sahil” xəbər verir ki, Makron bildirib ki, Avropa İttifaqının Rusiyadan asılılığı maye qazın 60 faizini təmin edən ABŞ-dan asılılıqla əvəzlənib.

Xatırladaq ki, bir müddət öncə Avropa İttifaqı Şurası 2027-ci il yanvarın 1-dən Rusiyadan maye qaz tədarükünü, 2027-ci il sentyabrın 30-dan isə boru kəməri vasitəsi ilə qaz idxalını tam qadağan edib.