Şərqi Aralıq dənizini martın 5-də tərk edən Amerikanın "USS Gerald R. Ford" təyyarədaşıyan gəmisi Qırmızı dəniz boyunca Hind okeanı istiqamətində hərəkət edir.
“İki sahil” xəbər verir ki, bu barədə "Itamilradar" portalının məlumatlarından məlum olub.
Hazırda "USS Gerald R. Ford" onu müşayiət edən raket esmineslərinin gəlişini gözləyərək Səudiyyə Ərəbistanı sahillərinin yaxınlığındadır. Yəmən yaxınlığındakı Bab əl-Məndəb boğazından keçərkən təyyarədaşıyan gəmidəki döyüş mühafizəsi lazım ola bilər.
Təyyarədaşıyan gəminin və onu müşayiət edən gəmilərin İran sahillərindən 350 km cənub-şərqdə, Ərəb dənizində döyüş tapşırıqlarını yerinə yetirən "USS Abraham Lincoln" gəmisinin zərbə qrupuna qoşulacağı gözlənilir.
