İran Futbol Federasiyası Yaxın Şərqdəki münaqişə səbəbindən futbol üzrə Dünya Kubokunun birinci tur oyunlarının ABŞ-də deyil, Meksikada keçirilməsi üçün FIFA ilə danışıqlar aparır.

“İki sahil” xəbər verir ki, İranın Meksikadakı səfirliyi bazar ertəsi günü müvafiq bəyanat yayıb.

ANSA-nın məlumatına görə, İran Futbol Federasiyasının prezidenti Mehdi Tac səfirliyin “X” sosial media hesabında dərc etdiyi açıqlamada bildirib: “ABŞ Prezidenti Donald Tramp İran milli komandasının təhlükəsizliyinə zəmanət verə bilməyəcəyini açıq şəkildə bildirdiyindən, sözsüz ki, biz Amerikaya getməyəcəyik”.

O əlavə edib ki, hazırda İran milli komandasının Dünya Kuboku oyunlarının Meksikada keçirilməsi ilə bağlı FIFA ilə danışıqlar aparılır.