Macarıstanda siyasi dəyişikliklər və enerji məsələləri ilə bağlı son bəyanatlar Avropa İttifaqı üçün mühüm siqnal kimi qiymətləndirilir.

“İki sahil” xəbər verir ki,  “Independent” nəşrinin yazdığına görə, parlament seçkilərində qalib gəlmiş “Tisa” partiyasının lideri Péter Madyar tərəfindən verilən açıqlama Brüsseldə diqqətlə izlənilib. O bildirib ki, Budapeşt Ukraynaya ayrılması nəzərdə tutulan 90 milyard avroluq kreditə qoyduğu vetonu yalnız "Drujba" neft kəməri ilə tədarük bərpa olunacağı halda götürə bilər.

Məqalədə vurğulanır ki, məhz Macarıstan nümunəsində Avropanın Ukrayna siyasəti ilə Rusiya enerji resursları arasında sıx əlaqə aydın görünür.

Eyni zamanda, qeyd olunur ki, Brüsseldə Macarıstanın baş naziri Viktor Orbán-ın seçkilərdə məğlubiyyəti açıq şəkildə müsbət qarşılanıb, Kiyevdə isə bu hadisə müəyyən rahatlıq yaradıb. Lakin nəşrin fikrincə, vəziyyət düşündüyündən daha mürəkkəbdir.

Bundan əvvəl Péter Madyar Zelenskidən “Drujba” neft kəmərinin fəaliyyətinin mümkün qədər tez bərpa olunmasını tələb etmişdi.