Macarıstanın xarici işlər naziri Anita Orban rusiyalı həmkarı Sergey Lavrovla mümkün görüş ehtimalını istisna etmədiyini bildirib.

“İki sahil” xəbər verir ki, o, bu barədə "Valas Online" nəşrinə müsahibəsində danışıb.

Anita Orbanın sözlərinə görə, Macarıstan Rusiyanı mühüm aktor hesab edir və bu ölkə ilə praqmatik münasibətlər qurmağa çalışır. “Əgər xarici işlər nazirləri səviyyəsində müzakirə ediləcək məsələlər olarsa, belə bir görüş baş tutacaq. Niyə də yox?” — deyə o, Sergey Lavrovla mümkün təmaslarla bağlı suala cavab verib.

Mayın 14-də Rusiyanın Macarıstandakı səfiri Yevgeni Stanislavov Anita Orbanla ilk dəfə görüşüb. Görüş Ukraynanın qərbində yerləşən Zakarpatye vilayətinə pilotsuz uçuş aparatları ilə endirilən zərbələr barədə xəbərlərdən qısa müddət sonra baş tutub.