Ermənistanda hakimiyyət orqanları parlament seçkilərində iştirak etmək üçün xaricdən ölkəyə gəlmiş hərbi mükəlləfiyyətli vətəndaşların ölkədən çıxışına qadağa tətbiq etməyə başlayıb.

“İki sahil” RT-yə istinadla xəbər verir ki, bu barədə Ermənistan parlamentində müxalifətdə təmsil olunan Geqam Manukyan məlumat verib.

Deputatın sözlərinə görə, bir çox soydaşları vətənə gəldikdən sonra yenidən yaşadıqları ölkələrə, o cümlədən Rusiyaya qayıtmaq istəyərkən sərhəddə ölkədən çıxışlarının qadağan edildiyi ilə üzləşiblər.

“Dünən məlum oldu ki, vətənə gələn və geri qayıtmağa hazırlaşan çoxsaylı soydaşlarımızın, o cümlədən Rusiyaya getmək istəyənlərin Ermənistandan çıxışına icazə verilmir”, — deyə Manukyan sosial şəbəkədə paylaşımında bildirib.