Almaniya kantsleri Fridrix Merts bəyan edib ki, İspaniya Aralıq dənizinin Afrika sahilində yerləşən və on minlərlə qanunsuz miqrantın keçdiyi Seuta muxtar şəhərindəki vəziyyəti mümkün qədər tez nəzarətə götürməlidir. O, həmçinin Mərakeşi qanunsuz miqrantları geri qəbul etməyə səsləyib.

“İki sahil” xəbər verir ki, bu barədə TASS məlumat yayıb.

"Avropa İttifaqının xarici sərhədlərinin qorunması qanunsuz miqrasiya ilə mübarizədə həlledici əhəmiyyət kəsb edir. Bütün Aİ üzvü olan dövlətlərin bu öhdəliyi yerinə yetirəcəyinə tam əminəm. Biz bu məsələ ilə bağlı İspaniya hökuməti ilə təmasdayıq", — deyə Merts bildirib.

Almaniya hökumətinin mətbuat xidməti kantslerin sözlərini sitat gətirib.

Almaniya kantsleri İspaniyanın qanunsuz miqrantları Avropa qitəsinə buraxmamaq niyyətini alqışlayıb və Mərakeşdən konkret addımlar gözlədiyini vurğulayıb: "Biz Mərakeşdən qanunsuz miqrantları dərhal geri qəbul etməsini gözləyirik. Avropa Komissiyasının və daxili işlər və miqrasiya üzrə avrokomissar Maqnus Brunnerin bu məsələdə dəstək söz verməsi müsbət haldır".

Merts iyun ayında qəbul edilmiş miqrantların geri qaytarılması haqqında reqlamentin «dərhal və tam həcmdə icra olunmalı olduğunu» qeyd edib.