Yaşıl və Qırmızı xətlərin ayrılması layihəsi çərçivəsində təşkil ediləcək ekspres avtobuslar ödənişli fəaliyyət göstərəcək və tariflərdə hər hansı dəyişiklik nəzərdə tutulmur.

“İki sahil” xəbər verir ki, bunu “Bakı Metropoliteni” QSC-nin mətbuat xidmətinin rəhbəri Bəxtiyar Məmmədov bildirib.

Onun sözlərinə görə, sərnişin axınının idarə olunması məqsədilə metroda qatarların hərəkət intervalı da optimallaşdırılacaq.

“Avqustun 15-dən metronun “İçərişəhər–Əhmədli”, noyabr ayından isə “İçərişəhər–Həzi Aslanov” istiqamətində qatarlar 2 dəqiqə 30 saniyə intervalla hərəkət edəcək. “Dərnəgül–Nizami” istiqamətində isə interval 3 dəqiqə 30 saniyə olacaq”, - deyə Bəxtiyar Məmmədov vurğulayıb.