Arçi Qrey “Tottenhem”in rəsmi oyunlar tarixində ən gənc kapitanı olub.

“İki sahil” xəbər verir ki, "Daily Sport" nəşrinin məlumatına görə, 20 yaşlı yarımmüdafiəçi İngiltərə Premyer Liqasının ilk turunda “Brentford”a qarşı keçiriləcək matçda komandasını kapitan kimi meydana çıxaracaq.

Qrey 20 yaş 163 günlüyündə bu rekorda imza atıb. Bununla da o, indiyədək rekordun sahibi olan klub əfsanəsi Stiv Perrimanı geridə qoyub. Perriman 20 yaş 260 günlüyündə “Tottenhem”in kapitanı olmuşdu.

Qeyd edək ki, Arçi Qrey ötən mövsüm “Tottenhem”in heyətində bütün turnirlər daxil olmaqla 35 oyunda meydana çıxıb, 2 qol vurub və 4 məhsuldar ötürmə edib. “Lids”in yetirməsi olan futbolçu 2024-cü ilin yayında London klubuna keçib.