Avropa İttifaqı Budapeştin mövqeyinin dəyişməsindən sonra əvvəllər blokdan çıxarılmış Sülh Fondundan Polşaya 269 milyon avro ödəyəcək.

“İki sahil” TASS-a istinadla xəbər verir ki, bu barədə Polşa Müdafiə Nazirliyinin rəhbər müavini Pavel Zalevski Brüsseldə Aİ-nin müdafiə nazirlərinin görüşü öncəsi jurnalistlərə məlumat verib.

"Bu gün biz Polşaya brutto 269 milyon avronun ayrılması barədə razılığa gəldik", – deyə Zalevski jurnalistlərin sualını cavablandırarkən bildirib.

Jurnalistlər bu məbləğin Varşavanın əvvəllər iddia etdiyi 500 milyon avrodan az olduğunu qeyd ediblər. Zalevski həmçinin məlumat verib ki, Polşa 2022-ci ildən bəri Kiyevə ötürülən silahlara görə ümumilikdə 1 milyard 50 milyon avro kompensasiya alacaq.