ZƏFƏR GÜNÜNƏ HƏSR OLUNUR
Xarıbülbülü burda soldura bilmədilər,
Həkəri, Bərgüşadı doldura bilmədilər,
Dağlarından tarixi yoldura bilmədilər,
Xalqın qəlbində olan iman imkan vermədi.
***
Hissə-hissə doğrayıb dağıtmaq istədilər,
Dağıtdıqları yerdə yaşatmaq istədilər,
Qondarma bir rejimi yaratmaq istədilər,
Zamanında verilən fərman imkan vermədi.
***
Göyündən çəkilməsin, vətən, zəfər müjdəsi,
Kim dayandıra bilər sənə bağlı nəfəsi?
Qırx dörd günlük döyüşdə Xudayarların səsi,
Qarabağda çalınan kaman imkan vermədi.
***
Bir şəhid siması var qaranlıq içrə nurda,
Ancaq zəfər yaraşır bu vətənə, bu yurda.
Çox çalışdı namərdlər bu milləti qorxuda,
O, Ali Baş Komandan buna imkan vermədi.
Eyvaz Səmədov
