26 iyul 2020 11:32
511

Abşeronda kütləvi dava baş verib

Abşeron rayonunda ölümlə və xəsarətlə nəticələnən kütləvi dava baş verib.

Rayonun hüquq-mühafizə orqanlarından AZƏRTAC-ın müxbirinə verilən məlumata görə, bir neçə nəfər arasında yaranan mübahisə kütləvi dava ilə nəticələnib. Dava zamanı altı nəfər – 1980-ci il təvəllüdlü Məmmədov Xəlil Zahid oğlu və qardaşı, 1975-ci il təvəllüdlü Məmmədov Məmməd Zahid oğlu, 1979-cu il təvəllüdlü Mövsümov Yaşar Mövsüm oğlu, 1987-ci il təvəllüdlü Həsən Cabbarov, 1992-ci il təvəllüdlü Quliyev Tural Firudin oğlu və dostu, 1992-ci il təvəllüdlü Həsənəliyev İqar Yaşar oğlu bıçaqlanıblar. Yaralılar təcili yardımın köməyi ilə xəstəxanalara çatdırılıblar.

Dava zamanı ağır xəsarət almış iki nəfər – H.Cabbarov hadisə yerində, M.Məmmədov isə xəstəxanada ölüb.

Faktla bağlı araşdırma aparılır.