12 fevral 2020 15:36
1304

Avropanın ən böyük üzən günəş elektrik stansiyası tikilir

Almaniyanın bərpaolunan enerji şirkəti “Baywa r.e.” Avropanın ən böyük üzən günəş elektrik stansiyasının inşasına başlayıb.

AZƏRTAC xarici KİV-lərə istinadla xəbər verir ki, 27 meqavatlıq “Bomhofsplas” günəş elektrik stansiyası Niderlandın Zvolle şəhərindəki bir göldə qurulacaq və 73 min günəş panelindən ibarət olacaq. İki həftə ərzində stansiyanın inşasının üçdəbiri tamamlanıb.