Biz zəfər çalacağıq! Qarabağ bizimdir, Qarabağ Azərbaycandır!
22 sentyabr 2020 23:59
520

Bu vitaminlər gözü xəstəlikdən qoruyur

“A vitamini, mis və sink gözləri xəstəlikdən qorumağa qadirdir”.

"İki sahil" “Report”a istinadən xəbər verir ki, bunu amerikalı diyetoloq Culianna Hever söyləyib.

ABŞ-ın Milli Görmə İnstitutu məsələ ilə bağlı araşdırma aparıb. Eksperimentdə yaşı 55-dən 80-dək olan 4 700 nəfərdən çox insan iştirak edib.

Məlumata görə, məhz bu yaş aralığında insanlar tez-tez görmə patologiyası ilə qarşılaşırlar.

Mütəxəssislər peroral əlavələr qəbul edən könüllüləri 4 qrupa bölüblər. Belə ki, birinci qrup 15 mq A vitamini, həmçinin mis və sink olan antioksidant, ikinci qrup yalnız A vitamini, üçüncü qrup sadəcə mikroelement, dördüncü qrup isə plasebo qəbul edib.

Nəticədə məlum olub ki, birinci qrupdakı pasiyentlərdə görmənin yaşla əlaqədar disfunksiyası 25 %, korolma riski isə 19 % azalıb.

Qeyd olunub ki, sağlamlığı qorumaq və A vitamini qəbul etmək üçün aptekə üz tutmaq vacib deyil. Faydalı elementlər balqabaq, yumurta, kök və kəsmikdə də var.