Gürcüstan koronavirusun yayılma sürətinə görə dünyada birinci yerdədir
Gürcüstan əhalinin hər yüz min nəfərinə düşən koronavirusa yoluxma faktına görə dünyada birinci yerdədir.
AZƏRTAC yerli KİV-lərə istinadla xəbər verir ki, bu barədə ABŞ-ın New York Times nəşri məlumat yayıb.
Qəzet yazır ki, son həftə ərzində Gürcüstanda COVID-19 virusunun yayılması orta hesabla 3579,1 fakt təşkil edib və bu da, əhalinin hər 100 000 nəfərinin 95,9-u deməkdir.
Bu göstərici ilə Gürcüstan yoluxma sayına görə bütün dövlətlərdən qabaqdadır.
Siyahıda Gürcüstandan sonrakı yerləri Lüksemburq, Çernoqoriya, Serbiya, Andorra, Slovakiya, Avstriya, Xorvatiya və digər ölkələr gəlir.
