14 yanvar 2020 12:39
180

Manatı qorumaq üçün bazardan 700 milyon dollar çıxarılıb

Maliyyə Nazirliyi, Azərbaycan Mərkəzi Bankı (AMB) və  xəzinədarlıq  2019-cu ildə 700 milyon dollardan yuxarı vəsaitin sterilizasiyası üzrə əməliyyatlar həyata keçirib.

"İki sahil xəbər verir ki, bunu AMB-nin sədri Elman Rüstəmov Prezident İlham Əliyevin yanında 2019-cu ilin yekunlarına həsr olunmuş müşavirədə deyib.

“2019-cu ildə Maliyyə Nazirliyi, xəzinədarlıq və Mərkəzi Bank 700 milyon dollardan yuxarı vəsaiti sterilizasiya etmək məcburiyyətində qaldı ki, manatın möhkəmlənməsinə təsir göstərməsin”-deyə,  E. Rüstəmov bildirib.

Onun sözlərinə görə, 6 milyardlıq xarici ticarət profisiti və bütövlükdə xarici valyuta mənbələrinin bazara şaxələnməsi manatın məzənnəsinin sabit qalmasına müsbət təsir edib:

"Ümid edirik ki, bütövlükdə bir tərəfdən neftin faktiki qiymətinin daha da yüksək olması və valyuta vəsaitlərinin, valyuta gəlirlərinin şaxələnməsi istiqamətində görülən tədbirlər imkan verəcəkdir ki, daha tarazlı valyuta bazarına malik olaq. Düşünürük ki, bu il də manatın məzənnəsinin sabitliyi qorunacaqdır”-deyə, sədr vurğulayıb.