17 noyabr 2026 17:02
326

ZÖHRAB GÖZƏLBƏYLİ BEYNƏLXALQ YARIŞA TƏYİNAT ALIB

Azərbaycan Voleybol Federasiyasının Kommunikasiya şöbəsinin rəhbəri Zöhrab Gözəlbəyli beynəlxalq yarışa təyinat alıb.

O, Avropa Voleybol Konfederasiyası tərəfindən kişi voleybolçular arasında keçirilən Çelenc Kubokunun 1/32 final mərhələsinin qarşılaşmasına supervayzer təyin olunub.

Noyabrın 18-də Yunanıstanda keçiriləcək oyunda yerli “OFI Crete HERAKLEION” komandası Almaniyanın “Helios Grizzlys GIESEN” klubu ilə üz-üzə gələcək.

Qarşılaşmanı türkiyəli Meryem Tekol Pelenk və serbiyalı Aleksandra Balandzic idarə edəcəklər.