2022-ci ilin yanvar-fevral ayları ərzində Azərbaycan Dövlət Neft Şirkəti (SOCAR) 510,1 milyon kubmetr təbii qaz ixrac edib.
“İki sahil” xəbər verir ki, bunu SOCAR-ın birinci vitse-prezidenti, Şirkət prezidenti vəzifəsinin müvəqqəti icraçısı Rövşən Nəcəf sosial şəbəkə hesabında yazıb.
Onun sözlərinə görə, yanvar-fevral ayları ərzində SOCAR üzrə təbii qaz ixracı ötən ilin müvafiq dövrü ilə müqayisədə 65 % artıb.
Xatırladaq ki, 2021-ci ilin yanvar-fevral aylarında SOCAR 309,4 milyon kubmet təbii qaz ixrac edib.
