Çox duz istehlak etməyin sağlamlığınız üçün zərərli olduğunu həmişə eşidirik. Yeni bir araşdırmaya görə, çox az duz da zərərli ola bilər, xüsusən də ürək çatışmazlığı olan xəstələr üçün.

Doqquz fərqli araşdırmanın çarpaz təhlilini aparan “Healthday” jurnalında dərc edilən məqaləyə görə, gündə 2,3 qramdan (0,08 unsiya) aşağı duz istehlakının insanın sağlamlığına fayda vermədiyi və əslində ölüm riskini artırdığı müəyyən edilmişdir.

Tədqiqatlar göstərdi ki, natrium pəhrizinin tövsiyə olunan miqdardan aşağı məhdudlaşdırılması ürək çatışmazlığı ilə mübarizədə mənfi təsir göstərir.

"Ürək çatışmazlığına kömək etmək üçün natriumun məhdudlaşdırılması hələ də üstünlük verilən bir üsuldur, lakin məhdudiyyətin miqdarı müzakirəyə açılmışdır. Bu araşdırma göstərir ki, natriumun həddindən artıq məhdudlaşdırılması əvəzinə, təhlükəsiz natrium istehlakı səviyyəsinin müəyyən edilməsi daha yaxşı olar”, -deyə məqalədə bildirilib.

Tədqiqatda təhlil edilən doqquz təcrübə ürək çatışmazlığı olan təxminən 3500 insanın müxtəlif natrium səviyyələrinin qiymətləndirilməsini, həmçinin ölüm və xəstəxanaya yerləşdirmə nisbətlərini əhatə edib.

Nubar Süleymanova, “İki sahil”