“İki sahil” xəbər verir ki, Bloomberg tərəfindən görülən qiymət siyahısına əsasən, Saudi Aramco, Asiyadakı müştərilər üçün “Arab Light” markalı neftin rəsmi satış qiymətini 90 sent artıraraq iyun ayı üçün regional “Oman-Dubay” istinad qiymətindən bir barel üçün 2,90 dollara çatdırıb.
Avropadakı müştərilər də krallığın iyun ayı üzrə satış qiymətlərində böyük artımlar müşahidə ediblər. Eyni zamanda, ABŞ üçün qiymətlər əsasən sabit qalıb.
Bloomberg məlumatına əsasən, OPEC aprel ayında gündəlik 26,81 milyon barel neft hasil edib ki, bu da ötən ayla müqayisədə gündə təxminən 50 min barel azdır.
Nəticədə, OPEC ölkələrinin və müttəfiqlərinin artıq təklifin qarşısını almaq üçün ilin əvvəlində razılaşdıqları tədarük məhdudiyyətləri hələ də tamamlanmayıb. İraq və Birləşmiş Ərəb Əmirlikləri razılaşdırılmış limitləri aşaraq sutkada bir neçə yüz min barel nefti nəql edir.
