Azərbaycanın daha iki yeniyetmə cüdoçusu Bolqarıstanın paytaxtı Sofiyada keçirilən dünya çempionatında bu gün mübarizəyə qoşulacaq.

“İki sahil” xəbər verir ki, Məhəmməd Ağakişiyev (73 kq) 1/16 finalda Yeso Samsiani (Gürcüstan) / Atxan Biçoyev (IJF) cütünün qalibi, Səmayə Yusifli (57 kq) isə eyni raundda Nonoka Yamakava (Yaponiya) ilə üz-üzə gələcək.

Qeyd edək ki, indiyədək Azərbaycanın 11 cüdoçusu tatamiyə çıxıb. Onlardan Anar Quliyev (50 kq) və Zeyd Ələsgərov (60 kq) bürünc medal qazanıblar. 

Turnirdə fərdi mübarizə avqustun 30-da bitəcək. Avqustun 31-də isə qarışıq komanda yarışı baş tutacaq.