Bank olmayan kredit təşkilatlarının maliyyə vasitəçiliyində rolu kiçik olaraq qalmaqdadır.

Bunu Azərbaycan Mərkəzi Bankının Maliyyə sabitliyi departamentinin direktoru Ataxan Həsənov Mərkəzi mətbuat konfransında bildirib.

A.Həsənov qeyd edib ki, 2025-ci ilin sonuna olan məlumatlara əsasən,  Azərbaycanda fəaliyyət göstərən BOKT-lərin sayı 54, kredit ittifaqlarının (Kİ) sayı isə 35 olmaqla,  ümumilikdə qeyri-bank kredit təşkilatlarının sayı  89 olub. Bütövlükdə maliyyə sistemində aktivlərinə görə BOKT-lərin bazar payı 2.1% təşkil  edib. İl ərzində 4 BOKT və 1 Kİ-nin lisenziyası  ləğv edilib, 1 BOKT-yə isə yeni lisenziya  verilib.

Hazırda, fəaliyyətdə olan BOKT-lərin  14-ü xarici kapitallıdır ki, onlardan 11-də xarici  kapitalın payı 50%-dən yüksəkdir. İl ərzində ümumilikdə işçilərinin sayı 357 nəfər artaraq 3  903 nəfər, filialların sayı isə 7 ədəd azalaraq 297  olub.

Orxan Vahidoğlu, "İki sahil"