“Neftçi” klubu heyətinə yeni futbolçu cəlb edib.
Klubdan AZƏRTAC-a bildiriblər ki, gənc yarımmüdafiəçi Elnur Süleymanovla üçillik müqavilə bağlanıb.
2014/2015-ci il mövsümündə “İnter” klubunun heyətində Azərbaycan Premyer Liqasında debüt etmiş E.Süleymanov ötən mövsüm AZAL-ın heyətində 18 oyunda meydana çıxıb.
U-19 milli komandamızla Avropa çempionatında iştirak etmiş Elnur Süleymanov Sloveniya yığması ilə oyunda (3:2) qol vurub.
Yeni transfer ötən il U-21 milli komandamıza da cəlb olunub.
