Dünyaca məşhur model Naomi Kempbelli hava limanında görənlər tanımaqda çətinlik çəkiblər.

"İki sahil" xəbər verir ki, 49 yaşlı məşhur model Naomi Kempbell özünü koronavirusdan qorumaq üçün maraqlı addım atıb. Təyyarəyə minmədən əvvəl qoruyucu tulum, maska və əlcək geyinən model ''İnstagram'' izləyicilərini özünü qorumaq haqqında məlumatlandırıb.

Belə ki, model keçən il Los-Anclesdən Nyu-Yorka səfər edərkən gigyenik salfetlərlə əyləşdiyi oturacağı və televizoru təmizləyib. Bu anları lentə alıb izləyiciləri ilə paylaşarkən ''İnsanların haqqımda nə düşündükləri məni maraqlandırmır. Bu mənim sağlamlığımdır və sağlamlığıma xüsusi diqqət ayıranda özümü yaxşı hiss edirəm'' sözlərini ifadə edib.