Rusiyanın Yekaterinburq şəhərində atışma olub.

"İki sahil" xəbər verir ki, bu barədə Daxili İşlər Nazirliyinin saytında bildirilir.

“Report”un məlumatına görə, atışma zamanı qız və Rusiya Milli Qvardiyasının əməkdaşı yaralanıb. Nazirlik bildirib ki, naməlum kişi Borodin küçəsində evlərdən birində atəş açıb.

"Nəticədə qız (onun şəxsiyyəti müəyyənləşdirilib) və Rusiya Qvardiyasının əməkdaşı yaralanıblar, onlara tibbi yardım göstərilir", - xəbərdə deyilir.

Hadisəni törədən şəxs saxlanılıb. Onun keçmiş polis əməkdaşı olduğu bildirilir. Cinayətkarın şəxsiyyəti açıqlanmır.