Seçicilərin sayındakı dəyişikliklərlə əlaqədar Azərbaycanda yeni seçki məntəqələri yaradıla, seçki dairələrinin ərazisində müəyyən dəyişikliklər ola bilər.

“İki sahil” xəbər verir ki, bunu bu gün Mərkəzi Seçki Komissiyasının iclasında MSK sədrinin müavini Rövzət Qasımov bildirib.

Rövzət Qasımov deyib ki, keçən il 832 seçki məntəqəsi yaradılıb, bu il may ayında seçici siyahılarının dəqiqləşməsi başa çatdıqdan sonra seçicilərin sayında dəyişikliklərlə əlaqədar yeni seçki məntəqələri yaradıla, seçki dairələrinin ərazilərində müəyyən dəyişikliklər ola bilər.