AFFA İntizam Komitəsi (İK) "Sabah"ın futbolçusu Davit Volkovu ikisi şərti olmaqla dörd oyunluq cəzalandırıb.

“İki sahil” xəbər verir ki, buna hücumçunun "Qəbələ"yə uduzduqları (0:2) Premyer Liqanın XXXIV turunun matçında birbaşa qırmızı vərəqə alaraq meydandan qovulması səbəb olub.

Gürcüstanlı forvarda üç ay sınaq müddəti təyin edilib. Paytaxt təmsilçisi oyunçusunun hərəkətinə görə 3000 manat cərimələnib.

İK "Sumqayıt" klubuna isə 800 manat cərimə kəsib. Buna səbəb "gənclik şəhəri" təmsilçisinin "Səbail"a qalib gəldiyi (2:0) qarşılaşmadan sonra meydana kənar şəxslərin daxil olmasıdır.