İspaniyanın "Real" klubunun futbolçusu Kilian Mbappe La Liqanın VII turunda "Alaves"lə oyunda zədələnib.

"İki sahil" "Relevo"ya istinadən xəbər verir ki, fransalı hücumçunun bud sümüyündə problemlər var. 25 yaşlı hücumçunun növbəti - "Atletiko" ilə matçda iştirakı sual altındadır.

Qeyd edək ki, K.Mbappe "Alaves"lə oyunun 80-ci dəqiqəsində zədələnərək əvəzlənməsini istəyib. Görüş "Real"ın 3:2 hesablı qələbəsi ilə yekunlaşıb. Hazırda Madrid klubu 17 xalla turnir cədvəlində ikincidir. "Alaves" 10 xalla 8-ci yerdə qərarlaşıb.