Pentaqon Kiyevə nə qədər “ATACMS” taktiki ballistik raket ötürüldüyü barədə məlumatı açıqlamaqdan imtina etsə də, ABŞ-da bu silahdan məhdud sayda olduğunu etiraf edib.

“İki sahil” xəbər verir ki, bu barədə Pentaqonun mətbuat katibi Sabrina Sinqh jurnalistlər üçün keçirdiyi növbəti brifinqdə danışıb.

Onun sözlərinə görə, ABŞ daha əvvəl Ukraynaya hərbi yardım olaraq “ATACMS” təqdim edib. Tam olaraq nə qədər olduğunu soruşduqda, Sinqh belə cavab verib: “Əməliyyat təhlükəsizliyi səbəbi ilə sayı təqdim etməyəcəyik”.

O, ABŞ-ın bu raketlərdən nə qədərinə malik olması barədə də danışıb: “Onlar son dərəcə bahalıdır və bu səbəbdən, bildiyiniz kimi, onların sayı məhduddur. Bütün hallarda ABŞ Kiyevə ATACMS tədarük edərkən öz döyüş hazırlığını azaltmayacaq”.