Tayvan silahlı qüvvələri adanın yaxınlığında Çin Xalq Azadlıq Ordusuna məxsus beş təyyarə və beş hərbi gəmi qeydə alıb.

“İki sahil” xəbər verir ki, Tayvan Müdafiə Nazirliyi bu barədə X platformasında açıqlama yayıb.

Məlumatda qeyd olunur ki, "bu gün səhər saat 6-dan əvvəl Tayvan ətrafında Çin Xalq Azadlıq Ordusuna aid beş təyyarə və beş hərbi gəmi aşkar edilib. Təyyarələrdən üçü median xətti keçərək Tayvanın şimal və cənub-qərb hava hücumundan müdafiə zonalarına daxil olub."

Tayvanın Müdafiə Nazirliyi vəziyyəti izlədiklərini və müvafiq tədbirlər həyata keçirdiklərini bildirib.