Monqolustan Prezidenti Khurelsux Uxnaa Türkiyəyə səfər edib.

“İki sahil” xəbər verir ki, onu Türkiyə prezidenti Rəcəb Tayyib Ərdoğan rəsmi mərasimlə qarşılayıb.

Süvarilər Uxnaanın xidməti avtomobilini küçədə Prezident Kompleksinin qarşısında qarşılayıb və nəqliyyat vasitəsini protokol qapısına qədər müşayiət ediblər.

Prezident Ərdoğan Uxnaanı kompleksin əsas girişində qarşılayıb.

Məlumata görə, ikitərəfli və geniştərkibli danışıqlardan sonra prezidentlər birgə mətbuat konfransı keçirəcəklər.

Prezident Ərdoğan Uxnaanın şərəfinə rəsmi şam yeməyi verəcək.

Məhərrəm Ağalaroğlu, “İki sahil”