"Qəzzada bu razılaşmanın tam şəkildə həyata keçirilməsini gözləyirəm".

“İki sahil” xəbər verir ki, bunu ABŞ prezidenti Co Bayden deyib.

O, Bayden vəzifəsinin son günündə səfər etdiyi Cənubi Karolinada Qəzzada atəşkəslə bağlı mətbuat konfransı keçirib.

Bayden uzun müddətdir ki, bu razılaşma üçün diplomatik şəkildə çalışdıqlarını və nəhayət bu razılaşmaya nail olmaqdan çox məmnun olduqlarını vurğulayıb.

Onun sözlərinə görə, Qəzzada atəşkəs razılaşması may ayında təqdim etdiyi layihə ilə, demək olar ki, eynidir.

"Amerikanı regionda daha geniş müharibəyə sürükləmək riskini gözə aldım. Qərara gəldim ki, getdiyim yoldan əl çəksəydim, bu gün gördüyümüz atəşkəsə nail ola bilməzdik. İndi bölgə əsaslı şəkildə dəyişib", -deyə Bayden bildirib.

Onun sözlərinə görə, İran onilliklərin ən zəif nöqtəsindədir, Həmas və Hizbullah da ciddi şəkildə zəifləyib.

Məhərrəm Ağalaroğlu, “İki sahil”