ABŞ-ın keçmiş prezidenti Donald Tramp Pensilvaniya ştatında baş vermiş sui-qəsd cəhdində özünü qorumaq üçün həyatını təhlükəyə atan Şon Karranı ABŞ Məxfi Xidmətinin rəhbəri təyin edib.

“İki sahil” xəbər verir ki, Tramp bu barədə "Truth Social" şəbəkəsində paylaşım edib.

“Mən Şon Karranı ABŞ Məxfi Xidmətinin yeni direktoru təyin etməkdən şərəf duyuram”, – deyə Tramp paylaşımında qeyd edib.

Trampın sözlərinə görə, Karranın hüquq-mühafizə orqanlarında 23 illik təcrübəsi var və o, 2001-ci ildə Məxfi Xidmətə qoşulub. Keçmiş prezident Karranın Batlerdə baş vermiş sui-qəsd cəhdində qorxmazlıq nümayiş etdirərək öz həyatını təhlükəyə atdığını və Trampın həyatını xilas etdiyini vurğulayıb.

“Şonun rəhbərliyi altında ABŞ Məxfi Xidmətinin daha güclü olacağına əminəm”, – Tramp bildirib.