Səudiyyə Ərəbistanı milli himnin yeni versiyasını yazması üçün “Oskar”, “Qızıl Qlobus” və “Qremmi” mükafatlarının laureatı, almaniyalı bəstəkarı Hans Zimmerlə danışıqlar aparır.

“İki sahil” xəbər verir ki, Səudiyyə Ərəbistanının əyləncə üzrə baş idarəsinin sədri Turki Əl əş-Şeyx bu barədə özünün sosial media hesabında yazıb.

Hans Zimmeri “zəmanənin ən böyük musiqiçilərindən biri” adlandıran Turki Əl əş-Şeyx bəstəkarla gələcək layihələrlə bağlı çoxlu müzakirələr apardıqlarını və onların arasında Səudiyyə Ərəbistanının dövlət himninin yeni versiyasının da olduğunu bildirib.

Onun sözlərinə görə, krallığın mədəni irsindən ilhamlanaraq “Ərəbistan” adlı orijinal musiqi əsəri yazması üçün Hans Zimmerə müraciət edilib. Bəstəkar, həmçinin Səudiyyə Ərəbistanında çəkiləcək “Yərmuq döyüşü” filminin musiqisinin yazılmasında da iştirak edə bilər.