"Telegram" yaradıcısı Pavel Durov haqqında məhkəmə işinə ən azı bir il Fransa məhkəməsində baxıalmayacaq.

“İki sahil” xəbər verir ki,  bu barədə Amerikanın "Wired" jurnalı Fransa prokurorluğunun nümayəndəsi Mailis de Recqə istinadla yazır. Onun sözlərinə görə, hələlik barışıq sazişindən söhbət getmir.

"Telegram"ın hüquq-mühafizə orqanları ilə əməkdaşlıq etmək istəməməsi səbəbindən nə qədər istintaqın dalana dirəndiyi bəlli olduqdan sonra Durovun həbsinə order verilməsi qərara alınıb. Rəsmi Paris hesab edir ki, messencerin yaradıcısının özünün susması “iştirak etməyə bərabərdir”. "Wired", "Liberation" qəzetinin məlumatlarına istinad edərək, Fransa jandarmının 2013-cü ildən 2024-cü ilə qədər "Telegram"ın 2460 qanuni sorğulara cavab vermədiyini qeyd edib. 

Pavel Durovun həbsindən əvvəl yetkinlik yaşına çatmayan qızları təqib edən və sonra zorladığını etiraf edən istifadəçilərdən birinin işi ilə bağlı araşdırma aparılırdı. Müstəntiqlər platforma rəhbərliyindən şübhəli şəxsin kimliyini açıqlamağı xahiş etdikdə, onlar bundan imtina ediblər.