HƏMAS atəşkəsi uzatmaq istəməyib. İsrail buna Qəzzanın şimalına zərbə endirməklə cavab verib. HƏMAS razılaşmanın ikinci mərhələsinə keçməkdə israrlıdır. Martın 2-nə keçən gecə İsraillə HƏMAS arasında razılaşmanın birinci mərhələsi başa çatıb. İsrailin baş naziri Netanyahunun ofisi tezliklə ABŞ-ın xüsusi nümayəndəsi Steve Uitkoff tərəfindən təklif edilən atəşkəsi aprelin 19-na qədər uzatmağa hazır olduqlarını açıqlayıb.

“İki sahil” "Kommersant"a istinadla xəbər verir ki, israilli girovların yarısının bu gün gün təhvil veriləcəyi də nəzərdə tutulur. HƏMAS hələ də 59 nəfəri əsirlikdə saxlayır, onlardan ən azı 32-si ölü kimi siyahıya alınıb.

HƏMAS fevralın 28-də bəyan edib ki, vasitəçilər müqavilənin ikinci mərhələsinin qüvvəyə minəcəyinə dair zəmanət verməsələr, atəşkəsin davam etdirilməsinə razı olmayacaqlar. Martın 1-də HƏMAS yeni tələbləri rədd edib. İsrail buna cavab olaraq Qəzzaya humanitar yardımın çatdırılmasını dayandırıb. Qəzza artilleriya və tankların yenidən hücumlara başladığını bildirib. İlkin razılaşma danışıqların səmərəsiz hesab ediləcəyi təqdirdə İsrail ordusuna martın 1-dən sonra hərbi əməliyyatları bərpa etməyə imkan verir.