Səudiyyə Ərəbistanında Ukrayna və ABŞ nümayəndə heyətlərinin görüşü davam edir. Budəfəki danışıqlar daha çox texniki xarakter daşıyır.

“İki sahil” xəbər verir ki, bu barədə Ukrayna Prezidenti Volodimir Zelenski axşam müraciətində məlumat verib.

"Bu gün Ukrayna və Amerika heyətlərinin Səudiyyə Ərəbistanında ikinci görüşüdür. Bu dəfə daha çox texniki xarakter daşıyır - hərbçilərimiz, diplomatlarımız, Energetika Nazirliyinin nümayəndələri danışıqlarda iştirak edir", - deyə Zelenski qeyd edib.

Prezident bildirib ki, o, artıq Ukrayna müdafiə naziri Rustem Umerovla görüşü müzakirə etməyə nail olub.

"O, mənə görüş haqqında, danışıqların gedişi barədə məlumat verdi. Komandamız tam konstruktiv işləyir, söhbət kifayət qədər faydalıdır. Nümayəndə heyətlərinin işi davam edir", - deyə dövlət başçısı bildirib.

R.Umerov bildirib ki, görüş zamanı tərəflər enerji obyektlərinin və infrastrukturun təhlükəsizliyinə dair təklifləri müzakirə edirlər.