Aprelin 15-i görkəmli oftalmoloq-alim, əməkdar elm xadimi akademik Zərifə xanım Əliyevanın xatirəsini anma günüdür.
Zərifə Əziz qızı Əliyeva 1923-cü il aprelin 28-də Naxçıvan Muxtar Respublikası Şərur rayonunun Şahtaxtı kəndində dünyaya göz açmışdır. Zərifə xanım Əliyeva çox mənalı və zəngin ömür yolu keçmişdır. Zərifə xanım müasir müstəqil Azərbaycan dövlətinin memarı və qurucusu Ümumilli Lider Heydər Əliyevin ömür-gün yoldaşı, dostu və silahdaşı idi. Zərifə Əliyeva Ümumilli Lider Heydər Əliyevin siyasiyətinin layiqli davamçısı Prezident İlham Əliyevin anasıdır. Akademik Zərifə Əliyevanın Azərbaycanda oftalmologiya elminin inkişafında müstəsna xidmətləri vardır. Əmək fəaliyyətinə 1949-cu ildə Azərbaycan Elmi-Tədqiqat Həkimləri Təkmilləşdirmə İnstitutunda elmi işçi kimi əmək fəaliyyətinə başlayıb və bütün ömrünü oftalmologiyaya həsr edib. Akademik Zərifə Əliyevanın oftalmologiyanın müxtəlif sahələri üzrə apardığı tədqiqatları fədakar həkim kimi bir sıra göz xəstəliklərinin müalicəsində, o cümlədən Azərbaycanda geniş yayılmış traxomanın bir xəstəlik kimi aradan qalxmasında mühüm rol oynadı. Zərifə xanım Əliyevanın müalicə metodu bütün respublikada tətbiq edilirdi.
Yüksək elmi naliyyətlərinə görə 1981-ci ildə SSRİ Tibb Elmlər Akademiyasının M.İ.Averbax adına mükafatına layiq görülmüşdür. Həmin mükafata layiq görülən ilk qadın alim idi. Klinik tədqiqatların və eksperimentlərin nəticələri Doktorluq dissertasiyasının əsasını təşkil etmişdir. 1977-ci ildə Zərifə xanım Əliyevaya tibb elmləri doktoru elmi dərəcəsi verilmişdir.
Doktorluq dissertasiyasını müdafiə etdikdən sonra Zərifə xanım Əliyeva Azərbaycan Dövlət Həkimləri Təkmilləşdirmə İnstitutun oftalmologiya kafedrasının professoru seçilir. Böyük xidmətlərinə, çoxillik elmi tədqiqat işlərinə görə Professor Zərifə Əliyeva 1983-cü ildə Azərbaycan Elmlər Akademiyasının Akademiki seçilmişdir. Akademik Zərifə Əliyevanın yüksək ixtisaslı səhiyyə kadrları hazırlanmasında böyük əməyi olmuşdur. Zərifə xanım Əliyevanın birbaşa rəhbərliyi altında cavan alimlərin və həkim oftalmoloqların böyük bir nəsli yetişmişdir.
Alim gənc həkimlərin tərbiyəsinə, onların peşə fəaliyyəti ilə bağlı problemlərinin öyrənilməsi və həllində çoxsaylı məqalələri çıxışları olmuş, ”Yüksək etimad” kitabı cəmiyyətdə həkimin şəxsiyyət kimi formalaşması prosesinə dəyərli töhfə vermişdir.
Prezident İlham Əliyev Zərifə xanım Əliyeva haqqında: “Mənim anamın həyat fəlsəfəsinin köklərini, hər şeydən əvvəl onun uşaqlığında axtarmaq lazımdır. O bizə tez-tez deyərdi ki uşaqliq- insan həyatının çox mühüm dövrüdür və heç nə bu dövrü əvəz edə bilməz. Uşaqlıq- insanın ömrü boyu təkrar-təkrar müraciət etdiyi dünyadır. İnsan xeyirxahlığın, şəfqətin nə olduğunu uşaqlıqda dərk edir. O, çox xoşbəxt uşaq olub, uşaqlıq onun yaddaşinda məhəbbət və əziz xatirələr mənbəyi kimi qalmişdı.
Akademik Zərifə Əliyeva 1985-ci il aprelin 15-də Moskva şəhərində vəfat edib.
Nazilə Məmmədova,
YAP Xətai rayon təşkilatının Məzahir Rüstəmov 29 ərazi partiya təşkilatının üzvü
