Londonun "Arsenal" klubu "Liverpul"dan kanadalı Oliviya Smiti transfer etməklə qadın futbolu tarixində rekord məbləğə imza atıb.

“İki sahil” xəbər verir ki, bu barədə "Sky Sports" məlumat yayıb.

"Arsenal" 20 yaşlı hücumçu üçün 1 milyon funt-sterlinq ödəyəcək.

Bundan əvvəlki rekord yanvarda "Çelsi" tərəfindən vurulmuşdu. "Çelsi" amerikalı Naomi Girmanın "San Dieqo Ueyv"dən transferi üçün 890 min funt-sterlinq ödəmişdi.

Smit ötən mövsüm İngiltərə çempionatında "Liverpul"un heyətində 20 oyun keçirib və yeddi qol vurub.