Rusiya rəhbərliyi hesab edir ki, Rusiyaya Donbası almaq üçün 3-4 ay vaxt lazımdır. Ukrayna prezidenti Vladimir Zelenskinin sözlərinə görə, bunu Rusiya lideri Vladimir Putin Alyaskada amerikalı həmkarı Donald Trampla söhbəti zamanı deyib.

“İki sahil” xəbər verir ki, bunu Zelenski ABC telekanalına müsahibəsində bildirib. 

“Yəni o (Vladimir Putin) deyir ki, üç-dörd aydan sonra – və bunu amerikalılara, Ağ Evə və Prezident Trampın nümayəndəsinə Uitkoffa dediyi budur - o, Donbası iki-üç aya, ən çoxu dörd aya alacağını deyib”, – deyə, Zelenski bildirib.

Ukrayna lideri Donbası döyüşə hazır qüvvələrə malik ən möhkəmləndirilmiş hissə adlandırıb: "Bu, qalaya bənzəyir... və əgər biz qoşunları çıxarsaq və bütün Donbası ələ keçirsə, Xarkova qədər 90 kilometr irəliləməyəcəyinə kim zəmanət verə bilər? O, həmişə Xarkovu istəyirdi."

NBC News daha əvvəl dörd mənbəyə istinadla xəbər vermişdi ki, Birləşmiş Ştatlar Ukrayna üzrə gələcək sülh sazişində Ukraynada bufer zonanın monitorinqi vəzifəsini öz üzərinə götürə bilər. Bu plan hərbi əməliyyatların qarşısını almaq üçün Rusiya və Ukraynanın nəzarətində olan əraziləri ayıran demilitarizasiya zonasını nəzərdə tutur. Kanalın mənbələri bufer zonanın bir və ya bir neçə qeyri-NATO ölkəsinin qoşunları tərəfindən qorunacağını və beləliklə, bu variantın Rusiyaya uyğun olacağını ehtimal edir. Bu zonanın sərhədləri hələ müəyyən edilməyib. NBC mənbələrinin məlumatına görə, plan avqustun 15-də Alyaskada keçirilən Rusiya-Amerika sammitindən sonra hazırlanıb.