ABŞ senatoru Lindsey Qrehem bildirib ki, Macarıstan və Slovakiya Rusiya neftini almaqdan imtina etməsələr, bunun ağır nəticələri olacaq.

“İki sahil” xəbər verir ki, bu barədə o, X sosial şəbəkə hesabında  yazıb.

“Rusiya neftinin alınmasına gəlincə, indi demək olar ki, hamısı Macarıstan və Slovakiyaya düşür.  Ümid edirəm və gözləyirəm ki, onlar tezliklə işə başlayacaq və bu "qan gölü"nə son qoymağa kömək edəcəklər”.

Senator əlavə edib ki, Aİ-nin Rusiyadan neft almasını dayandırması tələbində ABŞ prezidenti Donald Trampla razıdır. O, Avropa ölkələrinin artıq Rusiyanın enerji xammalının idxalını əhəmiyyətli dərəcədə azaltması faktını "yaxşı fikir" adlandırıb.