Hollandiya hökuməti Çinin Wingtech şirkətinə məxsus olan və Hollandiyada yerləşən Nexperia çip istehsalçısına nəzarəti ələ keçirib.

“İki sahil” xəbər verir ki, bu barədə "Kommersant" məlumat yayıb.

Bu ölkənin Nazirlər Kabinetinin bəyanatında deyilir ki, şirkətin baş ofisi Nijmegendə yerləşir, törəmə şirkətləri dünyanın hər yerində yerləşir. Bu qərar fövqəladə hallar zamanı Nexperia məhsullarının (hazır və yarımfabrikat) əlçatmaz hala düşə biləcəyi vəziyyətin qarşısını almaq məqsədi daşıyır.

Şirkətin istehsalı adi qaydada davam edə bilər. 

Hollandiya hökuməti bir tərəfdən ABŞ və AB, digər tərəfdən Çin arasında artan ticarət gərginliyi fonunda Avropada çiplərə çıxışı təmin etmək üçün "Malların mövcudluğu Aktı"na müraciət edib.