“SOCAR Hackathon 2025”ə qeydiyyat başladı!

13–14 dekabr 2025-ci il tarixlərində SOCAR-ın Bakı Ali Neft Məktəbində “SOCAR Hackathon 2025” tədbiri keçiriləcəkdir.

Hakatonun məqsədi SOCAR-ın innovasiya gündəliyinə uyğun süni intellekt və məlumat mühəndisliyi üzrə yeni texnoloji həllər hazırlamaq, həmçinin gəncləri yaradıcı, praktiki həllər üzərində işləməyə təşviq etməkdir.

Hakaton iki istiqamət üzrə keçiriləcək:

1️⃣ Süni İntellekt Mühəndisliyi (AI Engineering): Əl yazısı məlumatlarının emalı

2️⃣ Məlumat Mühəndisliyi (Data Engineering): Seysmik məlumatların bərpası

* İştirakçılar komandalar şəklində (ən çox 3 nəfər) müraciət edə bilərlər.

İlkin seçim mərhələsində komandaların motivasiya məktubu, CV-ləri və texniki bacarıqları nəzərə alınacaq.

* Seçilmiş komandalar 48 saat ərzində SOCAR-ın təqdim etdiyi real məlumat bazaları üzərində işləyərək texnoloji həllər hazırlayacaqlar.

Mükafat fondu (hər istiqamət üzrə):

1-ci yer – 4000 AZN

2-ci yer – 2000 AZN

3-cü yer – 1000 AZN

Qeydiyyat üçün: https://forms.gle/gW42pPctvkFVQfKm7

Son müraciət tarixi: 07 dekabr 2025-ci il, saat 23:59-a qədər

Məkan: Bakı Ali Neft Məktəbi kampusu, Bakı şəhəri, Bibiheybət qəsəbəsi, Yeni Salyan yolu 3-cü km, 25