Azərbaycanla ABŞ arasında süni intellekt sahəsində əməkdaşlıq imkanları müzakirə edilib.

“İki sahil” xəbər verir ki, bu barədə rəqəmsal inkişaf və nəqliyyat naziri Rəşad Nəbiyev ABŞ Ticarət Palatasının beynəlxalq üzvlərlə əlaqələr, Yaxın Şərq və Türkiyə üzrə baş vitse-prezidenti Kuş Çoksi ilə görüşünə dair "X" sosial media hesabında etdiyi paylaşımda bildirib.

Aparıcı ABŞ şirkətlərinin rəhbər və nümayəndələrinin də görüşdə iştirak etdiyini bildirən nazir vurğulayıb: "Görüş zamanı kibertəhlükəsizlik, süni intellekt və rəqəmsal #texnologiyalar sahələrində əməkdaşlıq imkanlarını müzakirə etdik".