NBC-nin aparıcısı Savanna Guthrienin anasının oğurlanması ilə bağlı istintaq aparan Arizona ştatının Pima dairəsi şerifi Kris Nanos FBI-ya iş materiallarına çıxış verməkdən imtina edib.

“İki sahil” xəbər verir ki,  bu barədə Reuters iki mənbəyə istinadla məlumat yayıb. Mənbələrin bildirdiyinə görə, şerif FBI-dan yardım istəməkdə gecikib.

FBI agentləri, istintaqda iştirak edən, şerifdən topladığı fiziki sübutları federal laboratoriyada (Quantico, Virginia ştatı) analiz üçün tələb ediblər, lakin rədd cavabı alıblar.

Şerif Nanos tələb edib ki, analiz Florida ştatında xüsusi laboratoriyada aparılsın. FBI mənbələri bildirirlər ki, şerifin hərəkətləri agentlərin yerli polisə tam dəstək verməsini çətinləşdirir. Bununla belə, işin əsas istintaq səlahiyyətləri Pima dairəsi şerifinə aiddir. FBI yalnız yerli hakimiyyətin sorğusu əsasında kömək edə bilər.

Şerifin mətbuat xidməti Reuters-in sorğusuna heç bir şərh verməyib.

84 yaşlı Nancy Guthrie 1 fevral tarixində Arizona ştatının Tucson şəhərindəki evindən itkin düşüb. Polis dərhal oğurluq hadisəsi olduğu qənaətinə gəlib. Yerli CBS News şöbəsi bir neçə tələb məktubu alıb. İstintaq zamanı Nensi Gatri evindən 1,5 km məsafədə oğruluğa aid olduğu ehtimal edilən qara əlcək tapılıb.