Həqiqətin təhrif edildiyi, dezinformasiyanın sistemli şəkildə bir vasitə kimi istifadə olunduğu dövrdə məsuliyyətli və etik jurnalistika hər zamankından daha böyük əhəmiyyət daşıyır.

“İki sahil” xəbər verir ki, bu fikirləri Türkiyə Prezidenti Administrasiyasının İctimaiyyətlə Əlaqələr Departamentinin rəhbəri Burhanettin Duran İstanbulda beynəlxalq media nümayəndələri ilə görüşündə ifadə edib. Qlobal nizamın dağılma nöqtəsinə gəldiyini qeyd edən Duran Türkiyənin regional və qlobal böhranlarda dialoqa əsaslanan mövqeyini ön plana çıxardığını vurğulayıb. Duran deyib: “İstər regional, istərsə də qlobal böhranlarda Türkiyə diplomatik potensialını hərbi çəkindirmə gücü, normativ mövqeyini isə sahədəki təcrübəsi ilə birləşdirə bilən bütöv bir dövlət düşüncəsini ortaya qoyur”.