İsrail rəhbərliyinin nümayəndələri İsrail Müdafiə Qüvvələrinin (İMQ) Livanın paytaxtı Beyrutda əməliyyatlarını genişləndirməsinə razılıq verilməsi üçün Vaşinqtona müraciət ediblər.

“İki sahil” xəbər verir ki, bu barədə "The Jerusalem Post" ("JPost") qəzeti mənbələrə istinadla xəbər verir.

"İsrailin yüksək rütbəli nümayəndələri ABŞ rəhbərliyinə İMQ-nin Beyruta zərbələrini genişləndirməsinə razılıq verilməsi xahişi ilə sorğu göndəriblər", - nəşr bildirib.

Nəşrin həmsöhbətləri iddia ediblər ki, İsrail tərəfi həm Vaşinqtonla Tehran arasındakı danışıqlar prosesində, həm də İsrail ilə Livan arasındakı dialoqda irəliləyişin olmaması fonunda Amerikanın reaksiyasının müsbət olacağını gözləyir.

Bazar günü İsrail hökumətinin başçısı Benyamin Netanyahu İMQ-nin Livan ərazisindəki fəaliyyətini gücləndirmək niyyətində olduğunu bəyan edib. O vurğulayıb ki, hərbi əməliyyat daha çox vaxt tələb edəcək, lakin İsrail öz şimal sərhədlərinin təhlükəsizliyini təmin etmək əzmindədir.