İspaniyanın hüquq-mühafizə orqanları Seuta muxtar şəhərindən Pireney yarımadasına hidrotçikl və sürətli katerlərlə keçən qanunsuz miqrantların sayında kəskin artım qeydə alır. Polisin məlumatına görə, sərhədin kütləvi şəkildə yarılmasından bəri artıq 250-yə yaxın insan bu təhlükəli üsuldan istifadə edib.

“İki sahil” xəbər verir ki, bu barədə "El Mundo" qəzeti yazır.

Nəşrin məlumatına əsasən, cinayətkar qruplaşmalar tərəfindən tələb olunan belə bir səfərin dəyəri 3 min ilə 6 min avro arasında dəyişir. Qəzet qeyd edir ki, qanunsuz daşınma üçün sürətli üzən vasitələrdən istifadə olunması cinayətkar təşkilatlar üçün yeni taktik olmasa da, daşımaların potensial miqyası əsas risk faktoruna çevrilib. İspaniyanın güc strukturları miqrasiya böhranının tamamilə Seuta hüdudlarından kənara çıxa biləcəyindən ciddi narahatlıqlarını ifadə edirlər.